"Mariya Stadnikə təşəkkür edirəm".

Bunu apasport.az-a açıqlamasında güləş üzrə qadınlardan ibarət Azərbaycan millisinin böyük məşqçisi Toğrul Əsgərov deyib. 

Əsgərov Mariya Stadnik barəsində bunları söyləyib: 

"Azərbaycan idmanına qazandırdığı medallar üçün çox sağ olsun. Bayrağımızı dəfələrlə yüksəklərə qaldırıb. Bu anların sayı-hesabı yoxdur. Himnimizin dəfələrlə beynəlxalq arenalarda səsləndirilməsinə səbəb olub. Bütün bu xatirələrə görə, ona təşəkkür edirəm. İnşallah, yeniyetmə, gənc qızlarımız da onun yolundan davam edər və onun kimi güclü, potensiallı idmançılar olarlar" .

Qeyd edək ki, Azərbaycan idmanının 5 qat Olimpiada iştirakçısı, 4 qat Olimpiya medalçısı, 2 qat dünya və 10 qat Avropa çempionu, Avropa Oyunlarının və İslam Həmrəyliyi Oyunlarının 2 qat qalibi olan Mariya Stadnik idmançı kimi fəaliyyətini başa vurub.

Nərmin Vüqarqızı

• Yığma komandamız ABŞ millisi ilə təlim-məşq toplanışı keçəcək
• Millimizin baş məşqçisi: “Güləşimiz ilbəil inkişaf edir”
• Güləş Federasiyasının sabiq vitse-prezidenti vəfat edib
• Millimizin baş məşqçisi: “Hazırda güləşlə məşğul olan qızların sayı çoxdur”
• Yığmamızın baş məşqçisi: “Yaxşı çıxış edəcəyimizə inanıram”