Bakı. Elşən Məmmədov – APA-Sport. Bakının “İnter” klubu Boliviya yığmasının hücumçusu Auqusto Andaverisin transferi ilə bağlı problemi yoluna qoyub. Bu haqda “APA-Sport” agentliyinə məlumat verən paytaxt komandasının baş məşqçisi Valentin Xodukinin sözlərinə görə, 29 yaşlı futbolçunun adı AFFA-ya göndərilən sifariş ərizəsinə daxil edilib. Boliviyanın “La-Pas” klubundan transfer olunan A. Andaverislə 2009-cu ilin mayınadək müqavilə bağlanılıb. V. Xodukin bildirib ki, boliviyalı oyunçu Azərbaycan Premyer Liqasının 5-ci turunda, sentyabrın 21-də Zaqatalanın “Simurq” komandası ilə matçda debüt edə bilər. Həmin vaxtadək yaranacaq fasilədə isə “İnter” Bakıda hazırlıq prosesi keçəcək. Azərbaycan çempionunun rəhbərliyi təlim-məşq keçmək üçün öncə Türkiyə, Bolqarıstan və Zaqatala variantları üzərində düşünsə də, havaların sərinləməsi səbəbindən paytaxtdan kənara çıxmaq münasib sayılmayıb.

• Malanq Sarrın yeni klubu bəlli oldu – Səudiyyə Ərəbistanına yollandı
• Zaniolo “Udineze”də qaldı – “Qalatasaray”dan birdəfəlik ayrıldı
• “Qırmızı şeytanlar” maviyə büründü – Yeni səfər forması - FOTO
• İspaniya de la Fuente ilə davam etmək istəyir – Müqavilə uzadılır
• Çempionlar Liqası: "Kayrat" "Omoniya"ya qarşı - YENİLƏNİR