Azərbaycan Premyer Liqasında ən çox oyun keçirən futbolçuların siyahısında dəyişikliklər baş verib. Apasport.az saytının məlumatına görə, 1992-ci ildən keçirilən ölkə çempionatlarında 300 və daha çox matç keçirənlərin siyahısındakı futbolçuların sayı 16-ya çatıb.
Bir il əvvəl 15 oyunçudan ibarət olan cədvələ son mövsümdə Elnur Abdullayev daxil olub. Hesabında 315 matç olan yarımmüdafiəçi 11-ci pilləyə qədər yüksəlib.
Ümumiyyətlə, 300 və daha çox oyun keçirənlərdən 5-i başa çatan mövsümün iştirakçılarıdı. Belə oyunçular arasında mütləq rekord Rəşad Abdullayevə məxsusdu. 378 matç keçirən orta sahə oyunçusu ümumi siyahıda 4-cüdü.
Cədvələ isə Mahmud Qurbanov başçılıq edir. Onun hesabında 421 matç var. “400”ü adlayan yeganə oyunçu olan “professor”u Azər Məmmədovla Aslan Kərimov izləyib. Rəşadın 2-ci pilləyə yüksəlməsi üçün növbəti mövsümdə iştirakı və əksər matçlarda şans qazanması yetərlidi. Çünki Abdullayev 2-ci yerdən 10, üçüncülükdən 4 oyun geri qalır.
Karyerasını davam etdirənlərdən Rəşad Sadiqov 5-ci, Rahid Əmirquliyev 8-ci, Vüqar Nadirov 13-cüdü.
yer |
futbolçu |
oyun |
1. |
Mahmud Qurbanov |
421 |
2. |
Azər Məmmədov |
388 |
3. |
Aslan Kərimov |
382 |
4. |
Rəşad Abdullayev |
378 |
5. |
Rəşad Sadiqov |
366 |
6. |
Aqil Məmmədov |
363 |
7. |
İsmayıl Məmmədov |
351 |
8. |
Rahid Əmirquliyev |
333 |
9. |
Kənan Kərimov |
327 |
10. |
Nadir Nəbiyev |
316 |
11. |
Elnur Abdullayev |
315 |
12. |
Mübariz Orucov |
311 |
13. |
Vüqar Nadirov |
307 |
14. |
Müşfiq Hüseynov |
305 |
15. |
Ədəhim Niftəliyev |
303 |
16. |
Kamal Quliyev |
302 |