Şimali Makedoniyanın Skopye şəhərində keçirilən şahmatın rapid və blits üzrə Avropa çempionatı başa çatıb.

Apasport.az xəbər verir ki, bu gün şahmatçılar blitsdə qüvvələrini sınayıblar.

Niderlandlı Yorden Van Foreest 13 turdan ibarət mübarizədə 11 xal toplayaraq, çempion olub. Blitsdə rapiddə olduğu kimi şahmatçılarımızdan ən yaxşı nəticəyə Eltac Səfərli imza atıb. 10 xala malik qrossmeysterimiz 9-cu yeri tutub. 9,5 xal toplayan Rauf Məmmədov 11-ci, Məhəmməd Muradlı 14-cü pillədə qərarlaşıb. Çempionatı Namiq Quliyev (8 xal) 66-cı, Elnur Əliyev (7,5 xal) 101-ci başa vurub.

Qeyd edək ki, rapiddə 11 turun yekununda sloveniyalı Vladimir Fedoseyev 1-ci yeri tutub.

• Kişi şahmatçılarımız Yunanıstanı böyük hesabla məğlub edib
• Qadın şahmatçılarımız erməni rəqiblərinə məğlub oldular
• Azərbaycan milliləri Olimpiadada VII tura çıxır – Qadınlarımız Ermənistanla qarşılaşacaq
• AŞF rəsmisi İlahə Qədimova Ümumdünya Şahmat Olimpiadasında seans keçirib
• Şəhriyar Məmmədyarov 12 yaşlı qrossmeysterlə heç-heçə etdi