2022-ci ildə beynəlxalq oyunlarda ən çox qol vuran futbolçuların siyahısı açıqlanıb.

Apasport.az saytının məlumatına görə, İFFHS-in tərtib etdiyi bombardirlər cədvəlində milli komanda və qitə kuboklarında ən azı 8 qol vuran oyunçular yer alıb.

Siyahıya 17 qol vuran Lionel Messi başçılıq edir. Argentina millisində 13 dəfə fərqlənən ulduz PSJ-də 4 qol vurub.

Kilian Mbappe (Fransa, PSJ) ondan bir top geri qalır. İlk “üçlüy”ü Erlinq Haland (Norveç, “Mançester Siti”) qapayır. Onun aktivində 14 top var.

Qeyd edək ki, yalnız 23 futbolçu 8 və ya daha çox qol vurub.