Braziliya millisinin dünya çempionatlarının qrup mərhələsindəki məğlubiyyətsizlik seriyası qırılıb.

Apasport.az saytının məlumatına görə, Titenin yetirmələri DÇ-2022-nin son turunda Kameruna uduzub.

0:1 hesablı məğlubiyyətə qədər pentakampeonlar qrupda 17 matçlıq seriyaya imza atıb. Bu yarışın mütləq rekordudur.

Cənubi amerikalılar sonuncu dəfə DÇ-1998-də qrupda uduzub. Həmin vaxt son turda Norveç qələbə sevinci yaşayıb – 2:1.

Qeyd edək ki, Braziliya uduzsa da, G qrupunun qalibi kimi 1/8 finala adlayıb.