Qətərdə keçirilən dünya çempionatının qrup mərhələsində Kanada ilə oyun Xorvatiya yığmasının iki futbolçusu üçün əlamətdar olub.

Apasport.az saytının məlumatına görə, komandanın 4:1 hesabı ilə qalib gəldiyi görüşdə xorvatların heyətində ikinci qolun müəllifi olan Marko Livaya 20 illik həsrətə son qoyub.

O, DÇ-2002-dən bəri daxili birincilikdə çıxış edən oyunçular arasında Xorvatiya millisinin heyətində mundiallarda fərqlənən ilk oyunçudur. “Hayduk”un yarımmüdafiəçisinə qədər sonuncu dəfə DÇ-2002-də İvitsa Oliç bunu bacarmışdı.

Kanada üzərində böyükhesablı qələbəyə dublla töhfə verən Andrey Kramariç isə Mario Mandzukiçin göstəricisini təkrarlayıb. O, DÇ-2014-də bir qarşılaşmada iki qol sevinci yaşayan Mandzukiçdən sonra buna nail olan ilk futbolçudur.

Qeyd edək ki, F qrupunda qərarlaşan Xorvatiya yığması son oyununu dekabrın 1-də Belçikaya qarşı keçirəcək.

• “Aston Villa” ispaniyalı futbolçunu transfer etmək istəyir
• “Bir axşam Masazırda”: Millimiz üçün yeni stadion - STATİSTİKA
• "Neftçi"nin 1369 günlük həsrəti bu gün sona çatacaq? - STATİSTİKA
• Qəbələ Azərbaycan futbolu tarixində: 7-ci şəhər, 12-ci stadion... - STATİSTİKA
• Tarixdə 60-cı, “Qarabağ” üçün 21-ci - Statistika