Statistikalar

Portuqaliya millisinin üzvü Kriştianu Ronaldo dünən daha bir rekord müəyyənləşdirib. 

Apasport.az saytı xəbər verir ki, 37 yaşlı hücumçu DÇ-2022-nin ilk turunda Qanaya qarşı keçirilən matçın ən yaxşı futbolçusu seçilməklə mundiallar tarixində bu mükafata ən çox sahib olan oyunçuya çevrilib. 

Ulduz futbolçu bu ada 7 dəfə layiq görülüb. 

O, bu göstəricidə Aryen Robben (Niderland) və Lionel Messini (Argentina) qabaqlayıb. Adları çəkilənlər 6 dəfə analoji uğura nail olub.

Qeyd edək ki, Portuqaliya Qananı 3:2 hesabı ilə məğlub edib.