Azərbaycan taekvondoçuları Rusiyanın Yakutsk şəhərində keçiriləcək “Asiya uşaqları” VIII Beynəlxalq İdman Oyunlarında iştirak edəcək.

Apasport.az xəbər verir ki, yığmanın heyətində 7 taekvondoçu yer alıb.

Məşqçilər Zahid Məmmədovla Sun Mi Parkın rəhbərlik etdiyi yığmada İlyas Hətəmli (48 kq), Ziya Həsənli (55 kq), Vasif Səlimov (63 kq), Elcan Əliyev (+73 kq), Gülü Zamanlı (44 kq), Nilufər Borci (49 kq) və Fatimə Həsənova (63 kq) qələbə uğrunda mübarizə aparacaq.

Beynəlxalq dərəcəli hakim Gündüz Abdullayev isə turnirdə ədaləti qoruyacaq.

Qeyd edək ki, Yakutsk şəhərində taekvondo yarışları iyunun 27-28-də olacaq. Gənclərdən ibarət komandamız iyunun 30-da Bakıya qayıdacaq.

• Azərbaycanın taekvondo millisi Özbəkistandakı təlim-məşq toplanışını başa vurub
• Taekvondo üzrə "Demo team" üçün açıq məşq təşkil olunub
• Deflimpiya və Paralimpiya milliləri birgə təlim-məşq toplanışına başlayıb - FOTO
• Milli Paralimpiya Komitəsi Azərbaycan Taekvondo Federasiyası ilə Anlaşma Memorandumu imzalayıb
• Azərbaycanlı taekvondoçu beynəlxalq turnirdə bürünc medal qazanıb