“Braziliyalı voleybolçularla vidalaşmışıq. Artıq komandada hamısı yerli uşaqlardır. Sabah keçiriləcək finalda komandamızı yalnız qələbə qane edəcək”. Bu fikirləri apasport.az saytına açıqlamasında “Azərneft” klubunun prezidenti Nazim Allahverdiyev deyib.

O bildirib ki, Super Liqanın həlledici görüşündə rəqibləri - “Sərhədçi” komandası güclü olsa da, “Azərneft” həmişə çempionluğa oynayıb: “Azərbaycan çempionatında klubumuz həmişə liderlər qrupunda yer alıb. Finalda qarşılaşacağımız “Sərhədçi” yeni yaradılsa da, güclü kollektivə malikdir. Biz onlara hörmətlə yanaşırıq. Lakin yığma komandanın əsasını təşkil edən “Azərneft” təslim olmaq fikrində deyil. İnşallah, finalda qələbə qazanıb, Avropada ölkəmizi layiqincə təmsil edərik”.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq