Bu mövsüm Azərbaycan Super Liqasında debüt edəcək “Şahdağ-Şirvan” voleybol komandası növbəti transferini reallaşdırıb. Apasport.az saytının məlumatına görə, türkiyəli mütəxəssis Adnan Kistakın çalışdırdığı klub Kanada yığmasının voleybolçusu Karla Bradstokla danışıqları yekunlaşdırıb.

Yaponiyada keçirilən dünya çempionatının final mərhələsində milli komandasının şərəfini qoruyan voleybolçu ilə 1 illik müqavilə imzalanıb. 1985-ci ildə anadan olan Karla 178 sm boya malikdir.

Qeyd edək ki, Bradstok Azərbaycan klublarında forma geyinəcək ikinci kanadalı olacaq. Ondan öncə “Bakı” digər şimali amerikalı Stacey Qordan heyətinə qatmışdı.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq