Çempionlar Liqasının qrup mərhələsinin II turunda “Rabitə” – “Skavolini” görüşünün ən yaxşıları müəyyənləşib. Apasport.az saytının məlumatına görə, Azərbaycan çempionunun 3:1 hesabı ilə qalib gəldiyi görüşdə paytaxt klubunun heyətində ən çox xalı Natalya Məmmədova və Sanya Staroviç toplayıblar.

Onların hərəsi “rabitəçilərə” 18 qazandırıblar. Dejan Brdjoviçin digər yetirmələrindən Olqa Ativi 14, Mira Qoluboviç 12, Nataşa Krsmanoviç 11, Qlass Kimberli 4 və Diana Nenova 2 dəqiq zərbəsi ilə fərqlənib.

“Skavolini”nin voleybolçularında Manon Flier daha sərrast olub. Rəqibin hollandiyalı legioneri 101 dəqiqə davam edən görüşün ən çox xalını toplayıb – 24.

Xatırladaq ki, “Dinamo-Romprest” qarşılaşmasında “Rabitə”nin ən güclüsü 15 xal qazanan Kimberli Qlass olmuşdu.

• Millimizin Avropa çempionatı üçün yekun heyəti bəlli olub
• Bakıda keçiriləcək voleybol üzrə Avropa çempionatının maskotları bəlli olub
• Avropa çempionatının hakimləri açıqlanıb
• Millimizin kapitanı: “Əsas məqsədimiz növbəti mərhələyə yüksəlməkdir”
• Millimizin Avropa çempionatındakı oyunlarının proqramı açıqlanıb