“İqtisadçı” voleybol klubu “Çelenc Cup” turnirində növbəti oyununu keçirib. Apasport.az saytının məlumatına görə, Rəşad Yazıçıoğullarının yetirmələri II təsnifat mərhələsinin ilk matçında Avstriyanın “Sparkasse” komandasına heç bir şans verməyiblər.

İlk hissədə “Vəhşi pişiklər”ə 10 xal verən universitet komandası, II setdə cəmi 4 xal güzəştə gediblər. Bundan sonra bir qədər arxayınlaşan “İqtisadçı” son hissəni 25:11 hesabı ilə aktivinə yazıb.

Quru hesabla qələbə qazanan voleybolçularımız səfərə rahat yollana bilərlər. Komandamız cavab görüşünə 1 həftə sonra çıxacaq.

“İqtisadçı” - “Sparkasse” - 3:0 (25:10, 25:4, 25:11)
Hakimlər: Monika Ujhazi (Macarıstan), Maksim Berdnikov (Rusiya).
“Sərhədçi” Olimpiya Mərkəzi.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq