Martın 19-20-də İstanbulda keçiriləcək qadın voleybolçular arasında Çempionlar Liqasının “Dördlər finalı”nı idarə edəcək ədalət təmsilçiləri müəyyənləşib. Apasport.az saytının məlumatına görə, Avropa Voleybol Konfederasiyası (CEV) Türkiyədə baş tutacaq 4 oyunu idarə etmək üçün eyni sayda hakimin adını açıqlayıb.

Belə ki, “Rabitə” (Azərbaycan), “Fənərbaxça”, “Vakıfbank Günəş Sığorta” (hər ikisi Türkiyə) və “Skavolini”nin (İtaliya) mübarizə aparacağı “Dördlər finalı”na serbiyadan Zoriça Bjeliç, Çexiyadan Milan Labasta, İspaniyadan Mariya Susana Rodriquez və Almaniyadan Volker Şimenz təyinat alıblar. Oyunları hansı hakimlərin idarə edəcəyi isə görüşdən öncə dəqiqləşəcək.

Qeyd edək ki, Azərbaycan çempionu “Rabitə” sabah yarımfinal matçında İtaliya “Skavolini”sini sınağa çəkəcək.

• Millimizin Avropa çempionatı üçün yekun heyəti bəlli olub
• Bakıda keçiriləcək voleybol üzrə Avropa çempionatının maskotları bəlli olub
• Avropa çempionatının hakimləri açıqlanıb
• Millimizin kapitanı: “Əsas məqsədimiz növbəti mərhələyə yüksəlməkdir”
• Millimizin Avropa çempionatındakı oyunlarının proqramı açıqlanıb