Bakının “İqtisadçı” klubu növbəti transferini reallaşdırıb. Apasport.az saytının məlumatına görə, CEV kubokunda debütü uğurlu olan “universitet komandası” Bolqarıstan milli komandasının voleybolçusu Lora Kitipova ilə müqavilə bağlayıb.

Artıq ölkəmizdə olan Sofiya MOİK-inin voleybolçusu “İqtisadçı”nın italiyalı baş məşqçisi Emanuele Sbano ilə görüşüb. Mütəxəssis bu legionerin hazırkı vəziyyəti barədə tam məlumatı şəxsən özündən alıb.

Bununla da, yeni mövsümdə Azərbaycan klublarında çıxış edəcək Bolqarıstan milli komandasının voleybolçuların sayı 5-ə çatıb. Mariya Filipova, Diana Nenova və Kremena Kamenova “Lokomotiv”də, Dobra Rabadjiyeva “Rabitə”də çıxış edir.

Qeyd edək ki, 1991-ci il təvəllüdlü Kitipova 183 sm boya malikdir.

• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO
• AVF rəsmisi beynəlxalq yarışa təyinat alıb
• Çimərlik voleybolçularımız Avropa çempionatında iştirak edəcəklər
• Türkiyə millisi gümüş medalçı olub