“Oyunun startı bizim üçün yaxşı alındı. Lakin ikinci setdən sonra oyunun axarı dəyişdi”. Apasport.az saytının məlumatına görə, bunu “Lokomotiv”in voleybolçusu Kremena Kamenova deyib.

Bolqarıstanlı legioner “Çelenc Cup”ın final mərhələsinin “Bakı” ilə ilk oyununu şərh edib. O bildirib ki, ilk 2 setdə qələbə qazansalar da, sonradan rəqibin təzyiqi ilə üzləşiblər: “Biz çöx gözlənilməz oynayırıq. Çünki 2 setin ardınca rəqib də qələbə qazanmağa yaxın oldu. Lakin yekunda xarakter öz sözünü dedi. Cavab görüşü də çox çətin olacaq. Amma biz ikinci dəfə finalda oynadığımızdan çempion olacağımıza inanıram”.

Qeyd edək ki, “Lokomotiv” 3:2 hesabı ilə qalib gəlib.

• Kəmalə Əsgərova U-18 Avropa çempionatının oyunlarına təyinat alıb
• Azərbaycanı avrokuboklarda 4 komanda təmsil edəcək
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• “Möminə Xatun”dan yeni transfer
• Bakıda Avropa çempionatının kubokunun təqdimat mərasimi keçiriləcək