Qadın voleybolçulardan ibarət Bolqarıstan milli komandasının heyəti açıqlanıb. Apasport.az saytının məlumatına görə, baş məşqçi Marçelo Abondanç mayda Türkiyədə keçiriləcək Avropa Olimpiya Təsnifat Turnirində güvənəcəyi oyunçuları müəyyənləşdirib.

İtaliyalı mütəxəssisin dəvət göndərdiyi 15 voleybolçu arasında Azərbaycan Super Liqasında çıxış edən 3 oyunçu da var. Bunlar “Rabitə”nin üzvü Dobriana Rabadjiyeva və “Lokomotiv”in şərəfini qoruyan Diana Nenova ilə Mariya Filipovadır.

Qeyd edək ki, Abondanç həmçinin ötən il “Bakı”da və “Şirvan”da oynayan Polina Stoyneva və Tanya Sabkovanın da adını açıqladığı siyahıya salıb.

• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer
• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO
• AVF rəsmisi beynəlxalq yarışa təyinat alıb