Azərbaycan çempionu yüksək liqada yerini qorudu

10.04.2012 - 08:47

İspaniyanın San-Sebastyan şəhərində qadın hokkeyçilər arasında keçirilən Avropa Çempionlar Kuboku uğrunda turnirin ilkin mərhələsinə yekun vurulub. Apasport.az saytının məlumatına görə, qrup mərhələsində hər 2 matçda uduzan Azərbaycan çempionu “Atasport” ilk “dördlüyə” düşə bilməsə də, yüksək liqadakı yerini qoruyub.

Belə ki, komandamız 5-ci yer uğrunda matçda İngiltərənin “Leyçester” klubu ilə qarşılaşıb. Bakı təmsilçisi bu dəfə inamlı oynayaraq, 5:1 hesabı ilə qalib gəlib. Bu isə növbəti ildə də onların Avropa Çempionlar Kuboku uğrunda yarışda iştirak etmək hüququnu saxlayıb.