“Rabitə” “Azərreyl”i sonuncu etdi, “Bakı” bürünc medal qazandı

“Rabitə” “Azərreyl”i sonuncu etdi, “Bakı” bürünc medal qazandı - YENİLƏNİB

15.04.2012 - 16:44

Bu gün qadın voleybolçular arasında Azərbaycan Super Liqasına yekun vurulub. Apasport.az saytının məlumatına görə, çempionatın başa çatmasına 1 tur qalmış “Rabitə” 1-ci, “Lokomotiv” isə 2-ci yeri özü üçün təmin etdiyindən final mərhələsinin X turunda bürünc medalçı müəyyənləşib.

Buna isə elə ilk - “Bakı” – “İqtisadçı” matçında aydınlıq gəlib. Paytaxtın eyni adlı təmsilçisi rəqibini 3:0 hesabı ilə məğlub etməklə, çempionatın 3-sü adına layiq görülüb.

Super Liqanın son oyununda isə “Azərreyl” həmişə uduzduğu “Rabitə” ilə qarşılaşıb. Yenə derbidə dünya çempionları rəqiblərinə heç bir şans verməyiblər. Onlar meydanda şou göstərərək, “Azərreyl”in 1 set belə güzəştə getməyiblər. Halbuki, Vüqar Əliyevin yetirmələri 1 xal qazansaydılar adlarına layiq olmayan – sonuncu, 5-ci yerdən xilas olacaqdılar.

Beləliklə, noyabrda start götürən çempionat başa çatıb və komandalar istirahətə yollanıb.

15 aprel
Final mərhələsi, X tur

“BAKI” – “İQTİSADÇI”- 3:0 (25:17, 25:21, 25:19)
İlk oyun: “BAKI” – “İQTİSADÇI” - 3:0 (25:20, 29:27, 25:20)
İkinci oyun: “İQTİSADÇI” – “BAKI” - 3:2 (22:25, 25:22, 25:23, 24:26, 18:16)
Final mərhələsi: “İQTİSADÇI” - “BAKI” - 3:0 (25:18, 25:23, 25:23)

“AZƏRREYL” – “RABİTƏ” - 0:3 (16:25, 12:25, 19:25)
İlk oyun: “RABİTƏ” – “AZƏRREYL” - 3:0 (25:14, 25:21, 25:20)
İkinci oyun: “AZƏRREYL” – “RABİTƏ” – 0:3 (21:25, 14:25, 23:25)
Final mərhələsi: “RABİTƏ” - “AZƏRREYL” - 3:1 (18:25, 25:18, 25:20, 25:17)