Azərbaycan Belarus yığmasına “5” verdi

23.04.2012 - 11:44

Qadın voleybolçulardan ibarət Belarus milli komandası Avro-2013-ün hazırlıqlarına start verib. Apasport.az saytının məlumatına görə, yığmanın heyətinə 26 oyunçu çağırılıb və 4 təlim-məşq toplanışından sonra onların 12 ən güclüsü müəyyənləşəcək.

Heyətə cəlb olunan voleybolçulardan 5-i Azərbaycan Super Liqasında çıxış edir. Bunlar Olqa Palçevskaya, Vera Klimoviç (hər ikisi “Lokomotiv”), Alyona İlyuta (“İqtisadçı”), Oksana Kovalçuk (“Azərreyl”) və Tatyana Markeviçdir (“Azəryolservis”).

Qeyd edək ki, yalnız Klimoviç 2 mövsümdür ölkəmizdə oynayır.