Azərbaycan çempionu “Rabitə”nin vidalaşdığı daha bir voleybolçunun adı məlum olub. Apasport.az saytının məlumatına görə, Bakı klubu amerikalı Meri Spayserin ardından serbiyalı libero Silviya Popoviçlə də yollarını ayırmağa qərar verib.

Son 3 mövsümdə “Rabitə” ilə Azərbaycan çempionu olan 26 yaşlı voleybolçu artıq azad agent statusu ilə özünə yeni komanda axtarmağa başlayıb və bir neçə real təklif alıb.

Qeyd edək ki, “rabitəçilər”lə dünya çempionluğunu bayram edən və Çempionlar Liqasının finalında oynayan Popoviçi komandada həmyerlisi Suzana Sebiç əvəzləyəcək. Onlar Serbiya yığmasının da heyətində bir-birinə rəqibdirlər.

• Kəmalə Əsgərova U-18 Avropa çempionatının oyunlarına təyinat alıb
• Azərbaycanı avrokuboklarda 4 komanda təmsil edəcək
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• “Möminə Xatun”dan yeni transfer
• Bakıda Avropa çempionatının kubokunun təqdimat mərasimi keçiriləcək