Qadın həndbolçular arasında Avropa çempionatının seçmə mərhələsində Azərbaycan milli komandası ilə eyni qrupda yer alan Belarus yığması hazırlıq proqramını açıqlayıb. Apasport.az saytının məlumatına görə, rəqibimiz qrup mərhələsinin son 2 oyunundan öncə beynəlxalq turnirə qatılacaq.

Belə ki, mayın 21-də bir araya gələcək komanda 2 gün sonra Türkiyəyə səfər edəcək. Antalyada onlar ev sahibləri ilə yanaşı (24 may), Braziliya (25 may) və İsveçlə (26 may) güclərini yoxlayacaqlar. Mayın 27-də yenidən Belarusa dönəcək yığma 3 gün sonra Almaniya ilə rəsmi oyuna çıxacaq. İyunun 3-də isə onlar macarlarla qarşılaşacaqlar.

Qeyd edək ki, Belarus həndbolçuları Azərbaycan yığmasına hər 2 oyunda qalib gəlib. Hələ də xal üzünə həsrət qalan Rəfiqə Şabanovanın yetirmələrinin də, onlar kimi Macarıstan və Almaniya ilə matçları qalıb.

• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer
• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO
• AVF rəsmisi beynəlxalq yarışa təyinat alıb