Çempionlar Liqasında debüt edəcək “Lokomotiv” voleybol klubu bu gün yeni baş məşqçisi Pyotr Xilko ilə rəsmi müqaviləyə imza atıb. Apasport.az saytının məlumatına görə, 2012/2013 mövsümündə Bakı təmsilçisini çalışdıracaq belaruslu mütəxəssislə 1 illik razılaşma əldə olunub. O, komandanı qələbələrə daşıyacağı halda müqavilənin müddəti uzadıla da bilər.

Yeni baş məşqçinin qarşısına şərt kimi Çempionlar Liqasında uğurlu çıxış və Azərbaycan Super Liqasında yenə mükafatçılar sırasına düşmək qoyulub.

Qeyd edək ki, 47 yaşlı Xilko son ildə Rusiyanın “Avtador-Metara” komandasında işləyib. Yeni mövsüm üçün ilk müqaviləsini rəsmiləşdirən “Lokomotiv” hələ heç bir voleybolçu ilə anlaşmayıb.

• “Murov Az Terminal”da yeni müqavilə
• "Murov Az Terminal" heyətini ukraynalı voleybolçu ilə gücləndirib
• "Murov Az Terminal"dan yeni transfer
• Voleybolçularımızla görüş keçirilib - FOTO
• Çimərlik voleybolçularımız Avropa çempionatında əsas mərhələyə yüksəliblər - FOTO