Yığmamız Əlcəzairə qalib gəldi

27.06.2012 - 08:27

Avropa çempionatının seçmə qrup mərhələsinə hazırlaşan basketbolçu kişilərdən ibarət Azərbaycan millisi Türkiyədə ilk yoxlama oyununu keçirib. Apasport.az saytının məlumatına görə, Elxan Əliyevin yetirmələri Əlcəzair yığması ilə qarşılaşıb.

Oyun həmyerlilərimizin 73:70 hesablı qələbəsi ilə başa çatıb. Qarşılaşmada komandamızın heyətində ən çox xalı Rasim Başak toplayıb. O, millimizə 27 xal qazandırıb.

Qeyd edək ki, Türkiyədə təlim-məşq toplanışında olan yığmamız əlcəzairlilərlə bir daha güclərini yoxlayacaqlar.