“Bakı” klub daha iki futbolçunu heyətinə qatıb. Apasport.az klub saytına istinadən xəbər verir ki, paytaxt təmsilçisi yeni transferləri Mario Alvarez və Ruben Qonzalezlə 2 illik müqavilə bağladı.

Mario Alvarez kimdir?

1982-ci il, fevralın 2-si İspaniyanın Tenerife şəhərində anadan olub. Futbolçu karyerasına “Atletiko Madrid C” komandasında başlayan Alvarez daha sonra “Atletiko Madrid B”, “Real Valyadolid”, “Barselona”, “Rekreativo”, “Xetafe” və “Real Betis” klublarında çıxış edib. İspaniya U-16 milli komandasının heyyətində Avropa çempionu titulunu qazanıb.

Ruben Qonzalez kimdir?

1982-ci il, yanvarın 29-u İspaniyanın Santyaqo De Kompostela şəhərində anadan olub. Futbolçu karyerasına “Kankso” komandasında başlayan Qonzalez daha sonra “Kompostela”, “Real Madrid C”, “Real Madrid B”, “Real Madrid”, “Borussiya Münxenqladbax”, “Albasete”, “Rasinq”, “Selta”, “Malyorka” və “Osasuna” klublarında çıxış edib. İspaniya U-16 milli komandasının heyyətində Avropa Çempionu titulunu qazanıb.

• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə