Azərbaycanı CEV kubokunda təmsil edəcək “Lokomotiv”in yeni mövsümün hazırlığına başlayacağı tarix bilinib. Apasport.az saytının məlumatına görə, ötən ili titulsuz başa vuran “dəmiryolçular” avqustun 25-də bir araya gələcəklər.

Komanda yeni argentinalı baş məşqçi Kladio Kuellonun rəhbərliyi altında Türkiyədə təlim-məşq toplanışına start verəcək.

“Lokomotiv”in aparıcı voleybolçuları millilərinin heyətində Qran-pridə oynadıqlarından və ya Avropa çempionatının final mərhələsinə hazırlaşdığından Boluda olacaq məşqlərdə 6 oyunçu iştirak edəcək. Bunlar Valdone Petrauskayte (Litva), Aleksis Krimes, Uitni Dosti (hər ikisi ABŞ), Aleksandra Samoylova (Rusiya), Katarina Barun (Xorvatiya) və Gizem Giraygilidir (Türkiyə).

Qeyd edək ki, ilk təlim-məşq toplanışı sentyabrın 10-na kimi nəzərdə tutulub və yoxlama matçı planlaşdırılmır.

• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə