Beynəlxalq Voleybol Federasiyası (FİVB) yeniyetmə və gənclərdən ibarət milli komandaların yeni reytinq cədvəlini açıqlayıb. Apasport.az saytının məlumatına görə, siyahı Azərbaycan yığmaları üçün uğurlu alınmayıb.

Belə ki, oğlanlardan ibarət komandaların sırasında yer almayan ölkəmiz yalnız qızların reytinq siyahısında təmsil olunub.

Millimiz yeni cədvəldə İsveçrə, Kipr, Türkmənistan, Küveyt, İsveç və İngiltərə ilə 69-75-ci yerlərə şərikdir. Bu isə o deməkdir ki, aktivində cəmi 1 xalı olan komandamız son siyahı ilə müqayisədə nə az, nə çox – 17 pillə geriləyib.

İlk “üçlük”də isə müvafiq olaraq, Çin (256), Braziliya (216) və Yaponiya (202) qərarlaşıb.

• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə