Avropa çempionatının final mərhələsinə hazırlaşan qadınlardan ibarət Azərbaycan millisi təlim-məşq toplanışını davam etdirir. Apasport.az saytının məlumatına görə, Faiq Qarayevin yetirmələri hazırlıq çərçivəsində növbəti yoxlama matçını keçiriblər.

Belə ki, komandamız Bakıda təlim-məşq toplanışı keçən İsveçrə millisi ilə gücünü yoxlayıb. Voleybolçularımız rəqiblərinə heç bir şans verməyərək 3:1 (25:22, 25:19, 22:25, 25:14) hesabı ilə qalib gəliblər. Qələbənin ardından daha 1 qısa set oynayan yığmamız yenə rəqibini məğlub edib – 15:12.

Qeyd edək ki, bundan öncə voleybol Federasiyasının dəvəti ilə İran və Fransa milliləri də Bakıya gəlmişdi. İsveçrəlilərlə daha bir neçə matçın keçirilməsi də nəzərdə tutulub.

• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə