“Azəryol”un (“Azərreyl”) müqavilə bağlamaqdan imtina etdiyi İndre Sorokayte karyerasını vətəndaşlığını daşıdığı İtaliyada da davam etdirə bilməyəcək. Apasport.az saytının məlumatına görə, A seriyasında çıxış edən “Novara” litvalı oyunçu ilə müqavilə bağlamağa yaxın olsa da, bu, son anda alınmayıb.

Nəticədə Bakı təmsilçisi ilə Super Liqanın gümüş medalını qazanan Sorokayte Asiyaya üz tutub. O, Yaponiyanın II liqasında mübarizə aparan “Denso Airybees”ə transfer olunub. İndrenin müqaviləsi 1 illikdir.

Qeyd edək ki, “Azəryol” onunla yanaşı, Debbi Stam, Karolina Vensink, Manon Flier (hər üçü Hollandiya), Riikka Lehtonen (Finlandiya), Milena Radeçka (Polşa) və Luna Karokki (İtaliya) ilə də müqaviləni uzatmaqdan imtina etmişdi.

• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə