Qadın voleybolçulardan ibarət Hollandiya millisinin Avropa çempionatının final mərhələsi üçün yekun heyəti müəyyənləşib. Apasport.az saytının məlumatına görə, “narıncılar”ın baş məşqçisi Qido Vermeulen açıqladığı “12-liyə” yeni mövsümdə də Azərbaycanda oynayacaq oyunçunun adını daxil edib.

Təcrübəli mütəxəssis Super Liqanın gümüş mükafatçıları - “Azəryol”u “İqtisadçı”ya dəyişən Manon Flieri Almaniya və İsveçrədə baş tutacaq həlledici mərhələyə aparmağa qərar verib. Heyətdə həmçinin ölkəmiz üçün yenə tanış simalar - Maret Qrotues və Quinta Stenbergen də var.

Qeyd edək ki, Hollandiya Türkiyə, Almaniya və İspaniya ilə birgə A qrupunda yer alıb.

• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə