2014-cü ildə keçiriləcək voleybol üzrə 19 yaşadək qızlar və 20 yaşadək oğlanlar arasında Avropa çempionatının püşkü atılıb. Apasport.az saytının məlumatına görə, hər 2 yarışda mübarizə aparacaq Azərbaycan milliləri fərqli mərhələlərdən mübarizəyə başlayacaqlar.

Belə ki, Feliks Məmmədovun başçılıq etdiyi U-19 birinciliyə II təsnifat mərhələsindən qatılacaq. Bu gün atılan püşkatmaya görə komandamız Rusiya, Bolqarıstan və Avstriya ilə D qrupunda yer alıb. Voleybolçularımız mərhələ adlamaq üçün ən azı qrupda ilk “ikilikdə” qərarlaşmalıdırlar. Çünki gələn il aprelin 24-27-də olacaq qarşılaşmalardan sonra qrup birinciləri birbaşa final mərhələsinə yüksələcəkləri halda, ikinci yerin sahibləri pley-off oynayacaqlar. Yarışda ümumilikdə 32 komanda oynayacaq.

Onlardan fərqli, U-20 I təsnifat mərhələsində nəyə qadir olduğunu göstərməlidir. Oğlan voleybolçularımız püşkə əsasən, Norveç və İngiltərə ilə qüvvələrini sınayacaqlar və bu komandalardan yalnız biri çempionatla vidalaşacaq. Matçlar gələn il yanvarın 3-5-də olacaq.

Qeyd edək ki, U-20-lərin mübarizəsinə 31 yığma qoşulacaq.

• Millimiz ilk qələbəsini qazandı
• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer