Qadın həndbolçular arasında “Çelenc Cup”ın III mərhələsindən mübarizəyə başlayacaq ABU klubunun iştirak ərizəsi məlum olub. Apasport.az saytının məlumatına görə, Bakı təmsilçisinin baş məşqçisi Konstantin Ruvinski Yunanıstanın “QAS Meqas Aleksandros” komandası ilə matçlarda 20 oyunçuya güvənəcək.

Əcnəbi mütəxəssis noyabrın 15-də və 16-da baş tutacaq görüşlərdə 2 legionerin köməyindən də istifadə edəcək. ABU-Arenada təşkil olunacaq oyunlarda Marta Abbasova, Günel Əliyeva, İrina Qasımova, Yana Qornak, Anna Cəfərova, Vəfa Məmmədova, Mədinə Musayeva, Səkinə Musayeva, Səbinə Mustafayeva, Səbinə Nuriyeva, Olqa Poqonina, Hülya Poladova, Elnarə Rudenko, Ülviyyə Şərifova, Səbinə Smaqina, Marina Tankaskaya, Kristina Yeryomina, İnarə Yusubova, Oksana Orexova, Polina Yakutis meydana çıxa bilərlər. Sonuncu 2 həndbolçu Rusiya təmsilçiləridir.

Qeyd edək ki, Yunanıstan klubunun istəyi ilə hər 2 matç Bakıda baş tutacaq.

• III MDB Oyunları: Millimiz Özbəkistana məğlub olub - FOTO
• İtaliyada Avropa çempionatının püşkatma mərasimi keçiriləcək
• Millimiz ilk qələbəsini qazandı
• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb