Bakının qadınlardan ibarət ABU həndbol klubunun “Çelenc Cup”ın III mərhələsində keçirdiyi cavab oyununun statistik göstəriciləri açıqlanıb. Apasport.az saytının məlumatına görə, Yunanıstanın “QAS Meqas Aleksandros” komandası ilə Bakıdakı görüşdə 28:18 hesabı ilə qalib gələn təmsilçimizin qollarını 7 oyunçu vurub.

Bakılıların heyətində ən məhsuldar həndbolçu Marina Tankatskaya olub – 7 qol. İranə Qasımova və Oksana Orexova hərəyə 5, İnarə Yusibova – 4, Marta Abbasova ilə Günel Əliyeva hərəyə 3, Yana Qornak 1 dəfə rəqib qapısına yol tapıb. Yunanların heyətində isə Elen Anastasiu və Marina Xoptinski hərəyə 6 dəfə fərqlənib.

İlk oyunda 32:21 hesabı ilə qalib gələn təmsilçimiz ümumi hesabda 21 xal üstün olmaqla (60:39) adını 1/8 finala yazdırıb. 2 oyunun nəticələrinə əssən ABU-nun ən yaxşı bombardiri İnarə Yusibova olub – 15 qol. Marina Tankatskayanın hesabında 11 top var.

• III MDB Oyunları: Millimiz Özbəkistana məğlub olub - FOTO
• İtaliyada Avropa çempionatının püşkatma mərasimi keçiriləcək
• Millimiz ilk qələbəsini qazandı
• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb