“Hamburq” rəqibimiz qarşısında aciz qaldı

22.11.2013 - 09:17

Qadın voleybolçular arasında Almaniya kubokunun yarımfinalçılarının adları müəyyənləşib. Apasport.az saytının məlumatına görə, mərhələ adlayan 4 xoşbəxt arasında Çempionlar Liqasında “Rabitə”nin rəqibi “Dresdner” də var.

Onlar 1/4 finalda “Hamburq”a qalib gəliblər - 3:0 (29:27, 25:15, 29:27). “Dresdner” finala gedən yolda rəqibi “VolleyStars” olacaq.

Digər cütdə isə “Rote Raben” “Şveriner”i sınağa çəkəcək.

Qeyd edək ki, “Dresdner” – “Rabitə” matçı noyabrın 28-də olacaq.