“Fənərbaxça” voleybol klubunun kapitanı Seda Tokatlıoğlu Azərbaycan klubunun təklifindən üz döndərib. Apasport.az saytının məlumatına görə, adı açıqlanmayan komandalarımızdan biri 28 yaşlı oyunçunun xidmətində maraqlı olsa da, “ay-ulduzlu” yığmanın şərəfini qoruyan hücumçu ölkəmizə gəlməkdən imtina edib.

Belə ki, 192 sm boya malik voleybolçuya Bakı təmsilçisi ilə yanaşı, yerli “Əczaçıbaşı”, Rusiya, Cənubi Koreya və Çindən dəvətlər olub. Lakin Tokatlıoğlu yekunda seçimini Pekin klubunun xeyrinə edib. O, paytaxtın “BAİC Motor” komandası ilə razılığa gələrək, 1 illik müqaviləyə imza atıb.

Qeyd edək ki, Tokatlıoğlu son 9 mövsümü “Fənərbaxça”da keçirib.

• Azərbaycan kubokunun keçiriləcəyi tarixlər bəlli olub
• Təmsilçimiz Avropa çempionu olub
• “Azərreyl” Avropa Kubokunun qalibi olub
• Daha bir Azərbaycan komandası finalda
• “Azərreyl” finala yüksəlib