Bu gün qadın voleybolçular arasında Çempionlar Liqasında növbəti oyunlar keçirilib. Apasport.az saytının məlumatına görə, Bakının “Telekom” klubu V tur çərçivəsində Türkiyənin “Fənərbaxça” klubunu qəbul edib.

Qarşılaşma komandamız üçün uğurlu alınmayıb. Gənclərdən qurulan komanda təcrübəlilərdən təşkil olunan İstanbul təmsilçisinə uduzub. Səfərdə rəqibindən 1 xal almağı bacaran Zoran Qayiçin yetirmələri bu dəfə 0:3 hesabı ilə məğlub olublar.

Bu məğlubiyyət “Telekom”un avrokubokla vidalaşması ilə nəticələnib. Qrup mərhələsinin son turunda Polşa “İmpel”i ilə qarşılaşma Bakı klubu üçün mövsümdə axırıncı oyun olacaq.

21 yanvar

E qrupu

“Telekom” (Azərbaycan) – “Fənərbaxça” (Türkiyə) - 0:3 (18:25; 19:25; 16:25)

Hakimlər: Yuri Bakunoviç (Belarus), Silvian Lungu (Rumıniya)

Bakı, “Sərhədçi” İdman Olimpiya Mərkəzi

• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib