“Yeni mövsümdə “Atom”da oynayacağım üçün çox şadam. Belə klubda oynamaq mənim üçün şərəfdir”. Apasport.az saytının məlumatına görə, bunu “Rabitə”nin voleybolçusu Britni Kuper deyib.
26 yaşlı Azərbaycan çempionu 2014/2015 mövsümünü icarə əsasında Polşanın “Atom” klubunda keçirəcək. Amerikalı blokçu bildirib ki, daima mükafatçılar sırasında yer alan komanda ilə razılığa gəlməsində “Rabitə”də birgə oynadığı avstraliyalı Reyçel Rurkun böyük rolu olub: “Bilirəm ki, əla komandadır. “Rabitə”dəki komanda yoldaşım Rurk da Bakı klubuna gəlincə, burada oynayıb. O mənə klub və şəhər haqda yalnız xoş sözlər deyib. Rurkun fikirləri qərarımda böyük rol oynadı. İndi də səbirsizliklə “Atom”a qoşulmağı gözləyirəm”.
Qeyd edək ki, Kuper ötən mövsüm “Rabitə” ilə 3 illik müqavilə bağladığından, növbəti il Bakı klubuna qayıdacaq.
Oxşar xəbərlər
Ana səhifə
Bütün xəbərlər