Çempionlar Liqasında azərbaycanlı hakim

17.11.2014 - 14:16

Azərbaycan Voleybol Federasiyasının Hakimlər Komitəsinin sədr müavini, beynəlxalq dərəcəli referi Eldar Zülfüqarov yeni təyinat alıb. Apasport.az saytının məlumatına görə, həmyerlimiz Çempionlar Liqasının qrup mərhələsinin II turu çərçivəsində keçiriləcək “Lokomotiv” (Rusiya) – “Teruel” (İspaniya) görüşündə əsas hakim olacaq.

Novosibirskdə təşkil olunacaq kişi komandaları arasında oyunda Zülfüqarovun köməkçisi funksiyasını türkiyəli Bülent Bozkurt yerinə yetirəcək.

Qeyd edək ki, matç noyabrın 19-da olacaq.