İtaliyada keçirilən qadın voleybolçular arasında dünya çempionatının III qrup mərhələsinin püşkü atılıb. Apasport.az saytının məlumatına görə, Milanda baş tutan mərasimdə “Altılar finalı”na yüksələn yığmalar öz rəqiblərini tanıyıblar.

Belə ki, E qrupunun qalibi olan ev sahiblərinin bəxtinə ABŞ və Rusiya milliləri düşüb. F qrupunu birinci yerdə baş vuran Braziliya isə Çin və Dominikan Respublikası ilə oynayacaq.

Reqlamentə əsasən, G və H kimi formalaşan qruplarda ilk 2 yeri tutacaq yığmalar yarımfinalda üz-üzə gələcək. Qrupda 3-cü olacaq millilər isə 5-ci yer uğrunda oynayacaqlar.

III mərhələnin oyunları oktyabrın 8-də başlayacaq.

Qeyd edək ki, Azərbaycan millisi mundialı 15-ci pillədə bitirərək, bu gün vətənə qayıdır.

• III MDB Oyunları: Millimiz bürünc medal qazandı
• III MDB Oyunları: Millimiz bürünc medal uğrunda mübarizə aparacaq  
• Qadın voleybolçular arasında Avropa çempionatının püşkü atılıb
• III MDB Oyunları: Millimiz Rusiyaya məğlub olub
• III MDB Oyunları: Qadın voleybolçularımız yarımfinala çıxıb - FOTO