Azərbaycan çempionatının I divizionunda çempion bəlli olub.

Apasport.az saytının məlumatına görə, “Araz Naxçıvan” tarixində ikinci dəfə aşağı liqanın qalibi olub.

Azər Bağırovun yetirmələri qızıl medalları 27-ci turda rəsmiləşdiriblər. Son çempion “Qaradağ Lökbatan”ın qonağı olan naxçıvanlılar 2:0 hesabı ilə qalib gəlib.

25 matç keçirən yeni çempion xal sayını 63-ə çatdırıb. Ən yaxın izləyicisi “Neftçi-2” ilə fərqi 11 xala yüksəldən “Araz Naxçıvan” sona 3 tur qalmış rəqibləri üçün əlçatmaz olub.

2013/14 mövsümündə də I divizionda qalib olan komanda tarixinin ikinci belə titulunu qazanıb. Lakin Naxçıvan təmsilçisinin Premyer Liqada oynaması Lisenziyalaşdırma Komissiyasının qərarından asılıdır. Bu məsələyə yaxın müddətdə aydınlıq gələcək.
 

• Braziliya millisinin üzvü A Seriyasında çıxış edəcək
• FİFA-dan DÇ finalındakı davaya sərt qərar
• Ölkə çempionatı: Sərbəst güləşdə 5 çəkidə qaliblər müəyyənləşdi
• “Şəfa” rəsmisi: “Fuad Musayevin ailəsindən halallıq almışıq və artıq “ASK Arena”dayıq” - MÜSAHİBƏ
• 3 idmançımız bürünc medal uğrunda mübarizə aparacaq