Elvin Məmmədov Azərbaycan çempionatlarında 350-ci oyununu keçirib. 

Apasport.az PFL-in saytına istinadən xəbər verir ki, “Şamaxı”nın kapitanının yubileyi Misli Premyer Liqasının III turuna təsadüf edib.

“Səbail”lə ev matçı 34 yaşlı yarımmüdafiəçinin 350-ci görüşü olub. Elvin ölkə çempionatları tarixində 350 və daha çox oyuna çıxan 9-cu futbolçu olub. 2003/04 mövsümündə “Turan”ın heyətində debüt edən Məmmədov indiyədək 25 qola imza atıb.

O, Premyer Liqada 7 klubun formasını geyinib. Yarımmüdafiəçi “Bakı”da 73 (3 qol), “Qarabağ”da 70 (3 qol), “Şamaxı”da 54 (7 qol), “Zirə”də 49 (5 qol), “Turan”da 49 (3 qol), “Sumqayıt”da 44 (2 qol) və “Qəbələ”də 11 (2 qol) matç keçirib.

Qeyd edək ki, “Şamaxı” – “Səbail” qarşılaşması 1:1 hesabı ilə başa çatıb.

• Azərbaycanın sambo əfsanəsi Əbülfəz Əliyevə həsr olunmuş tədbir keçirilib - VİDEO
• Yunan-Roma güləşi üzrə Azərbaycan millisinin yeni baş məşqçisi açıqlanıb
• Azərbaycan və Polşa Milli Antidopinq agentlikləri arasında Anlaşma Memorandumu imzalanıb
• Qadın boksçularımız Belqradda beynəlxalq turnirdə mübarizə aparacaqlar
• "Real Madrid" ulduzu "Çelsi"nin hədəfində