Azərbaycan boksçusu Məhsəti Həmzəyeva-Ağamalıyeva Polşada keçirilən III Avropa Oyunlarında mübarizəyə başlayıb. 

Apasport.az saytının məlumatına görə, 57 kq çəki dərəcəsində mübarizə aparan yığma üzvü 1/8 finalda Tatevik Xaçatryanla (Ermənistan) qarşılaşıb.

Döyüş Həmzəyeva-Ağamalıyevanın inamlı qələbəsi ilə başa çatıb. Boksçumuz erməni rəqibinə heç bir şans verməyib. Hər 3 raundu xeyrinə bitirən Məhsəti yekunda 5:0 (29:28, 30:27, 30:27, 30:27, 30:27) hesabı ilə qalib gəlib. 

Bununla da, Avropa Oyunlarında 1/4 finala yüksələn Azərbaycan boksçularının sayı 4-də çatıb. Məhsətidən öncə Sərxan Əliyev (71 kq), Murad Allahverdiyev (80 kq) və Məhəmməd Abdullayev (+92 kq) bu hüquqa yiyələnib. 

Qeyd edək ki, 1/4 final döyüşləri iyunun 28-də keçiriləcək.  
 

• Super Liqa klubunda yeni təyinat - RƏSMİ
• Güləşçilərimizdən Avropa çempionatında 3 medal - 1 qızıl, 2 bürünc
• "Əslinə qalsa, bu qədər erkən çempionluğu gözləmirdim" - Juninyo
• Azərbaycan Qran-prisi Maks Ferstappenin qələbəsi ilə başa çatdı - YENİLƏNİB
• Boksçularımızın dünya çempionatında ilk rəqibləri bəlli oldu