Cari mövsümün bombardirləri mükafatlandırılıb

29.05.2024 - 14:38

Futbol üzrə Azərbaycan çempionatının I Liqası və Əvəzedicilər liqasının bombardirləri mükafatlandırılıb.

Apasport.az xəbər verir ki, bu barədə PFL-in mətbuat xidməti məlumat yayıb.

2023/2024 mövsümünün bombardirlərinə xüsusi hədiyyələr təqdim olunub. MOİK-in hücumçusu Elmir Rəhimzdə 17 qolla I Liqada, “Qəbələ-2” komandasının üzvü Sənan Ağalarov 30 qolla Əvəzedicilər liqasında mövsümünün ən sərrast futbolçusu olub.

Onlara mükafatları Peşəkar Futbol Liqasında qurumun prezidenti vəzifəsini müvəqqəti icra edən Elgiz Abbasov təqdim edib.