Krakov-2023 III Avropa Oyunlarının badminton yarışlarında pley-off mərhələsinin oyunları keçirilir. 

Apasport.az saytının məlumatına görə, qadınların fərdi yarışlarında çıxış edən Azərbaycan təmsilçisi Keyşa Fatimə Zəhra 1/8 final matçına çıxıb.

Badmintonçumuz isveçrəli Jenjira Stadelmanla qarşılaşıb. Keyşa ilk setdə 21:16 hesablı qələbə qazanıb.

Badmintonçumuz ikinci hissədə məğlubiyyətə üzülüb – 12:21. Cütün taleyi son setdə həll olunub.

Keyşa 15:21 hesabı ilə uduzaraq Avropa Oyunları ilə vidalaşıb. Bununla da badminton yığmamız yarışı medalsız başa vurub.

Qeyd edək ki, bu gün keçirilən kişilərin fərdi yarışlarının 1/8 finalında qüvvəsini sınayan Edi Reski Dviçayo finlandiyalı Kalle Koljonenə 0:2 (18:21, 14:21) hesabı ilə uduzub.
 

• Veteran futbolçu: “Sabah” sonda medalçılar sırasında olacaq" - Müsahibə
• “Sambaçılar”a Neymar şoku - Qrup mərhələsində oynamayacaq
• "Araz-Naxçıvan"ın hücumçusu: "Neftçi" ilə görüşdə qələbə çox vacib idi" - Müsahibə
• Şimanskinin transfer qiyməti rekord səviyyəyə yüksəldi
• “Fiorentina” “İnter”ə liderlik yarışında zərbə endirdi