“Müəyyən mənada iki fərqli hissə izlədik”.

Apasport.az saytının məlumatına görə, bunu “Sabah”ın baş məşqçisi Murad Musayev Misli Premyer Liqasının IV turunda “Qəbələ” ilə keçirilən səfər oyunu barədə danışarkən deyib.

Ardıcıl 4-cü qələbəsini qazanan (2:0) paytaxt klubu turnir cədvəlində liderliyini davam etdirib.

Rusiyalı mütəxəssis qarşılaşmanın ardından komandasının çıxışını dəyərləndirib: “İlk yarıda gərginlik var idi, müdafiədə səhvlərimiz oldu. Birinci hissədə hücumda cəmi bir qol vəziyyəti yarada bildik. İkinci hissədə ilk turdakı oyunumuzu göstərməyə başladıq. Psixoloji cəhətdən üstün idik. Qol da vurduq. Qoldan sonra rəqib boşluqlar verməyə başladı və ikinci topu vurduq”.

Çalışdırıcı bir transfer etmək istədiklərini də gizlətməyib: "Bir transfer həyata keçirmək istəyirik. Əgər alınsa, yeni oyunçu gətirəcəyik. Heyətimizdə zədəlilər var".

• Zelim Kotsoyev: "Özümə gözəl bir doğum günü hədiyyə etdim" - Müsahibə
• Mundialda bir qolla 4 klubun hədəfinə düşdü
• Messinin şərəfini qoruduğu komandalar fevralda qarşılaşacaq
• WMF və EMF rəhbərliyi Bakıdakı idman kompleksləri ilə tanış oldular
• "Beşiktaş" heyətini Səudiyyə Ərəbistanında çıxış edən futbolçu ilə gücləndirəcək