"Neftçi" əfsanəvi futbolçu Anatoli Banişevskinin xatirəsini əbədiləşdirib.

Apasport.az xəbər verir ki, bu barədə "ağ-qaralar"ın mətbuat xidməti məlumat yayıb.

Klubun yaydığı açıqlamada qeyd olunub:

"O, 16 il ərzində bu nömrəni şərəf və sədaqətlə geyindi. Bu formanı heç nəyə dəyişmədi. Bu nömrə altında saysız-hesabsız qələbə qolu vurdu, “Neftçi” adını yüksəklərə daşıdı. Bundan sonra da “Neftçi”nin 9 nömrəli forması əbədiyyətə qədər Anatoli Banişevskinin olacaq.

“Neftçi” Peşəkar Futbol Klubunun qərarı ilə, 2026/27 mövsümündən etibarən komandanın 9 nömrəli forması fevralın 23-də anadan olmasından 80 il ötən unudulmaz Anatoli Banişevskinin xatirəsinə əbədiləşdirilir. 

Bu, fəaliyyətdə olduğu 89 il ərzində Azərbaycan futbolunu hər zaman irəli aparmış “Neftçi”yə, onun şanlı tarixinə, formasını geyinmiş yüzlərlə futbolçuya əfsanəvi Anatoli Banişevskinin simasında sərgilədiyimiz hörmətdir".

• Maqnus Karlsen dünya çempionatından qovulub
• Ronaldo: “Fiqunun həyat yoldaşı kimi bir xanımım olsaydı, evdən çölə çıxmazdım”
• Hakimə hücum edən futbolçu 12 oyunluq cəza ala bilər
• Cüneyt Biçer: "Toral Bayramov və Mahir Emreli ilə yenidən birlikdə işləmək istəyərdim" - Müsahibə
• Mahir Emrelinin milliyə çağırılmamasının səbəbi məlum olub