Azərbaycanın paraüzgüçüləri Raman Salei və Əli Vəliyev Türkiyənin Kocaeli şəhərində keçirilən Avropa çempionatında bu gün növbəti dəfə finalda mübarizə aparacaqlar.

Apasport.az xəbər verir ki, S12 kateqoriyasında çıxış edən Raman Salei 50 metr məsafəyə sərbəst üsulla üzmə üzrə təsnifat mərhələsində 24,70 saniyə nəticə göstərərək finala vəsiqə qazanıb.

S10 kateqoriyasında mübarizə aparan yeniyetmə paraüzgüçü Əli Vəliyev isə 400 metr məsafəyə sərbəst üsulla üzmə üzrə birbaşa finalda çıxış edəcək.

Qeyd edək ki, yarışın ilk iki günündə Raman Salei 100 metr məsafəyə arxasıüstə üzmədə 1:03,55 nəticə ilə 4-cü, 100 metr məsafəyə kəpənək üsulu ilə üzmədə isə 59,18 saniyə nəticə ilə 5-ci olub.

Əli Vəliyev isə 200 metr məsafəyə qarışıq üzmə üzrə finalda 2:32,99 nəticə ilə 8-ci yeri tutub.

• Rəşad Sadıqov: “Bu söhbətlər ya qəsdən edilir, ya da cahillikdən” - MÜSAHİBƏ
• “Kəpəz”in növbəti rəqibi bəlli oldu
• “Ordu”nun baş məşqçisi: “Müdafiədə yaxşı çıxış edə bilmədik”
• Levandovski "Fənərbaxça"nın təklifini rədd edib
• Lukas Afriko: "Qarabağ"ın futbolçusu qarşılaşdığım ən yaxşı hücumçudur" - Müsahibə