Bakıda keçirilən U-15 dünya çempionatı və festivalında Azərbaycan millisi növbəti oyununa çıxıb.
Apasport.az xəbər verir ki, Famil Xəlilovun rəhbərlik etdiyi yığma C Divizionunda Mozambik millisi ilə üz-üzə gəlib.
Görüş komandamızın 4:1 hesablı qələbəsi ilə nəticələnib.
Yığma bu gün saat 19:30-da Vyetnam millisi ilə üz-üzə gələcək. Vyetnam komandası Kubanı 2:1 hesabı ilə məğlub edib.
Qeyd edək ki, Azərbaycan millisi AF qrupunu 9 xalla üçüncü pillədə başa vuraraq C Divizionuna vəsiqə qazanıb. Komandamız qrup mərhələsində Timor-Lesteni 6:0, Andorranı 1:0, İsraili 3:1 hesabı ilə məğlub edib. Avstraliyaya 1:3, Haitiyə isə 0:4 hesabı ilə uduzub.
Yığmamız 81–96-cı yerlər uğrunda mübarizə apardığı C Divizionunda əvvəlcə Çiliyə 1:3 hesabı ilə məğlub olub, daha sonra Cəbəllütariqi 5:1 hesabı ilə üstələyib.
Xatırladaq ki, 189 ölkənin təmsil olunduğu mundialda 1000-ə yaxın oyunun keçirilməsi nəzərdə tutulub. Oktyabrın 30-da başa çatacaq turnirin final qarşılaşması Bakı Kristal Zalında təşkil olunacaq.
Oxşar xəbərlər
Ana səhifə
Bütün xəbərlər