“Qarabağ” – “Ferensvaroş” cütünün məğlubunun mümkün rəqibləri bəlli oldu

02.08.2022 - 15:14

Avropa Liqasının pley-off mərhələsinin püşkü atılıb.

Apasport.az saytının məlumatına görə, Azərbaycan çempionu “Qarabağ”ın mümkün rəqibi müəyyənləşib.

Çempionlar Liqasının III təsnifat mərhələsində “Ferensvaroş”la görüşəcək Ağdam təmsilçisi turu adlaya bilməsə, Avropa Liqasının pley-offunda oynayacaq. Azərbaycan və Macarıstan çempionlarının duelinin məğlubu “Şemrok Rovers” (İrlandiya) – “Şkupi” (Şimali Makedoniya) cütünün qalibi ilə qarşılaşacaq.

Avropa Liqasının pley-offunun matçları avqustun 18-də və 25-də keçiriləcək. “Qarabağ” – “Ferensvaroş” cütündə uduzan komanda ilk oyunu evdə keçirəcək.

Qeyd edək ki, Ağdam klubu Macarıstan təmsilçisi ilə avqustun 3-də və 9-da qarşılaşacaq.