Dünyanın ən yaxşı baş məşqçilərinin reytinqi açıqlanıb.

Apasport.az saytının məlumatına görə, siyahıda fəaliyyətini davam etdirən 500 ən yaxşı mütəxəssis yer alıb.

Son 4 ilin nəticələrinə əsasən tərtib olunan cədvəldə Azərbaycan klubları iki mütəxəssislə təmsil olunub. 

“Neftçi”nin baş məşqçisi Laurentsiu Regekampf və “Qarabağ”ın çalışdırıcısı Qurban Qurbanov “Top-500”də qərarlaşıb.

Cədvəldəki yeganə azərbaycanlı məşqçi Qurbanov 1595 xalla 206-cidir. 51 yaşlı mütəxəssis ötən cədvəllə müqayisədə mövqeyini qoruyub.

“Neftçi”nin rumıniyalı çalışdırıcısının da yeri dəyişməz qalıb. O, 1627 xalla 175-ci yerdədir. 
 
Qeyd edək ki, siyahıya Pep Qvardiola (2194) başçılıq edir. Yurgen Klopp (2112) və Joze Mourinyo (2063) da ilk “üçlük”də qərarlaşıb.

• İqor Mitreski: "Bugünkü gündə mənim üçün "Qarabağ" "Şkendiya" ilə görüşlərin favoritidir"
• Avropa Ağır Atletika Federasiyası: “Təəssüflənirik”
• İrfan Can naməğlub gedişatın sirrini açıqladı
• Boksçularımızın dünya çempionatında ilk rəqibləri bəlli oldu
• Slavko Georgiyevski: "Neftçi" belə duruma necə düşə bilər?" - Müsahibə